Afrikaans: Die kranse by Baringo is 'n uitstekende area vir voëls, veral met eerste daglig. ’n Edelvalkpaar het aan die een kant van die kranse nesgemaak en hierdie massiewe Witkruisarendwyfie het hul lugruim binnegeswewe. Die edelvalkwyfie het opgestyg en gou hoogte gekry. Dan het sy twee keer vlerk geklap, op haar sy gekantel en in 'n styl duikslag neergepyl om die swewende arend op die agterkop te tref. Die arendwyfie het 'n seer hou gekry en toe die edelvalk haar weer nader, het sy omgeslaan om duidelik te wys dat daar geen tweede kans sal wees nie! Edelvalke is kragtige en ratse roofdiere van voëls en is omtrent so groot soos die swerfvalk. Witkruisarende is groot kragtige jagters van soogdiere en groot voëls, wat hoofsaaklik dassies verkies, maar ook op tarentale, patryse, klipspringers en ander wildsbokkies sal prooi. Afgeneem by die Baringokranse, Baringomeer, Kenja.